O glybiau stori a grwpiau cymdeithasol i glybiau crefft a phaned, mae cymaint i'w wneud yn eich llyfrgell leol.
Tyfu gyda’n Gilydd
Creu dyddiau da yn eich llyfrgell leol
Mae Llyfrgelloedd Cymru’n lansio ymgyrch i hyrwyddo’r holl wahanol ffyrdd y gall eich llyfrgell leol gefnogi datblygiad cynnar plentyn, a chynnig cyfle i rieni newydd a gofalwyr fynd allan o’r tŷ i gwrdd â phobl newydd.
Croeso cynnes a help llaw
Mwynhewch amser arbennig gyda’ch gilydd gyda’r holl weithgareddau a digwyddiadau gwych sydd ar gael yn eich llyfrgell leol. Mae Llyfrgelloedd Cymru yn croesawu plant pan nad ydynt ond ychydig fisoedd oed, ac maent wrthi’n helpu rhieni a gofalwyr i gefnogi eu plant wrth iddynt dyfu a dysgu.
Cliciwch i ddarganfod beth sy'n digwydd yn eich ardal leol
Blaenau Gwent
Caerdydd
Castell-nedd Port Talbot
Gwynedd
Merthyr Tudful
Pen-y-bont ar Ogwr
Rhondda Cynon Taff
Sir Ddinbych
Sir Gaerfyrddin
Sir y Fflint
Dewch at eich gilydd a chael hwyl
Mae magu neu ofalu am fabanod a phlant bach yn medru bod yn waith llethol o brysur ac weithiau mae’n anodd cael amser i fynd o’r tŷ i wneud rhywbeth difyr – mae ymweld â’ch llyfrgell leol yn gyfle gwych i chi a’ch plentyn fynd allan ar grwydr, rhoi cynnig ar rywbeth gwahanol a chwrdd â ffrindiau newydd.
“Mae ein llyfrgelloedd yma i roi croeso cynnes a lle i rieni ddod ynghyd a chefnogi ei gilydd mewn cyfnod sydd weithiau’n gallu bod yn heriol. Rydym yn cydnabod mor bwysig ydi gosod trefn, a mynd allan i gwrdd â phobl sy’n mynd drwy’r un profiadau â chi, a chredwn fod ymweld â’ch llyfrgell leol yn rheolaidd yn ffordd berffaith o wneud hynny!”
Arweinydd Iechyd a Lles Cymdeithas y Prif Lyfrgellwyr (Cymru) a Rheolwr Datblygu Llyfrgelloedd, Hamdden a Llyfrgelloedd Aura
Eisiau gwybod mwy?
Nodwch eich manylion ar y ffurflen isod er mwyn cael eich rhoi mewn cysylltiad â’ch awdurdod lleol.
