Gwasanaethau Llyfrgell

Mae pob llyfrgell gyhoeddus yng Nghymru yn cynnig mynediad am ddim i gyfrifiaduron a’r rhyngrwyd.

P’un a oes angen i chi bori, gwneud cais am swyddi, cysylltu â gwasanaethau neu fwynhau adnoddau ar-lein, mae ein llyfrgelloedd yn darparu rhyngrwyd dibynadwy ac ystod eang o feddalwedd fel Microsoft Office.

Mae’r rhan fwyaf o leoliadau hefyd yn cynnig argraffu, sganio, technoleg addasol a chaledwedd arbenigol i gefnogi defnyddwyr ag anableddau.

Mannau Astudio ac Ardaloedd Tawel
Mae llyfrgelloedd yn cynnig mwy na dim ond silffoedd llyfrau. Maent yn darparu mannau tawel, croesawgar ar gyfer astudio, gwaith, neu ddarllen tawel.

Mae llyfrgelloedd yn agored i bawb, gan gynnig amgylchedd diogel, cynhwysol i ganolbwyntio, dysgu a chreu

Mae Llyfrgelloedd Cymru yn darparu mynediad at ystod eang o gynnwys digidol— i gyd ar gael am ddim i aelodau’r llyfrgell.

Mae ein casgliad Fy Llyfrgell Ddigidol yn cynnwys dros 35,000 o e-lyfrau ac e-lyfrau sain, dros 7,000 o gylchgronau digidol a phapurau newydd, a mynediad at adnoddau hanes teuluol a chyfoeth o adnoddau cyfeiriol.

Efallai y bydd eich awdurdod llyfrgell yng Nghymru yn cynnig gwasanaeth llyfrgell i’r rhai nad ydynt yn gallu cyrraedd y llyfrgell oherwydd damwain, salwch neu anabledd.

Efallai y bydd eich awdurdod lleol hefyd yn cynnig gwasanaeth llyfrgell symudol lle mae’n anodd i drigolion gael mynediad i lyfrgelloedd sefydlog.

Mae llyfrgelloedd yn fannau croesawgar i’r gymuned gyfan.

O glybiau plant fel Clwb Creu, i grwpiau darllen, gweithdai a digwyddiadau tymhorol, mae rhywbeth at ddant pawb.

Mae digwyddiadau yn ffordd wych o gwrdd â phobl newydd, adeiladu sgiliau, a chael hwyl.