Llyfrgell Betws yn Groesawgar ac yn Hygyrch i bawb ar ôl ei Hadnewyddu

Mae Llyfrgell Betws wedi ailagor i’r cyhoedd yn dilyn ei hadnewyddu. Mae bron i £150,000 wedi’i fuddsoddi yn y prosiect, diolch i Grant Cyfalaf Trawsnewid Llywodraeth Cymru a chyllid cyfatebol gan Ymddiriedolaeth Ddiwylliannol Awen.

Mae’r gwaith adnewyddu wedi:

– Creu mynedfa ehangach, fwy hygyrch i’r llyfrgell;

– Ailddylunio’r gofod i ddarparu gofod cymunedol hyblyg a llyfrgell fywiog i blant;

– Creu effeithlonrwydd ynni drwy:

– Gosod gwres a goleuadau effeithlon;

– Inswleiddio’r ystafell hyfforddi;

– Gosod ffenestri a goleuadau newydd;

– Gosod batri ar gyfer y paneli solar presennol;

– Uwchraddio’r Ystafell Hyfforddi gyda dodrefn, lloriau a chegin fach newydd i ddarparu ystafell addas a chynaliadwy i’r gymuned ei llogi.

Dywedodd y Gweinidog Diwylliant, Jack Sargeant:

“Mae ein Grant Cyfalaf Trawsnewid gwerth £132,000 ar gyfer Llyfrgell Betws wedi helpu adnewyddu’r cyfleuster hanfodol hwn ar gyfer y gymuned leol.

“Mae llyfrgelloedd yn parhau i fod yn ganolfan hanfodol ar gyfer dysgu gydol oes, ymgysylltu â’r cyhoedd a datblygiad personol. Mae’r newidiadau yma sydd bellach wedi’u cwblhau wedi moderneiddio’r gofod tra’n cadw ei rôl fel adnodd croesawgar a hygyrch i bawb.”

Gwybodaeth pellach ar wefan Lyfrgelloedd Awen