Ganwyd Daniel Morden yng Nghwmbrân, De Cymru, ac mae’n storïwr yn y traddodiad llafar ac yn awdur plant. Mae’n ail-adrodd straeon traddodiadol o wahanol ddiwylliannau, yn enwedig y Celtiaid a’r hen Roeg. Mae wedi perfformio ledled y byd, mewn ysgolion a theatrau, mewn gwyliau ac ar y radio. Mae ei lyfrau cyhoeddedig yn cynnwys casgliadau o straeon a chwedlau ac adroddiadau o’r mythau Groeg, yr olaf mewn gwaith ar y cyd â Hugh Lupton.

Mae wedi ennill adran Saesneg Gwobrau Tir na n-Og Cyngor Llyfrau Cymru ddwywaith, yn gyntaf yn 2007 ar gyfer Dark Tales from the Woods, yn seiliedig ar stori gwerin o Gymru, ac yna yn 2013 ar gyfer Tree of Leaf and Flame, casgliad o straeon yn adrodd y Mabinogion. 

Mae Estyn Allan yn gywaith rhwng llyfrgelloedd cyhoeddus Cymru i greu cynnwys digidol, dan arweiniad Cymdeithas Prif Lyfrgellwyr Cymru (SCL Cymru) ac wedi ei ariannu gan Lywodraeth Cymru.