Adnoddau Cyfeiriol Cymraeg
Rydym wedi llunio rhestr o’r mannau gorau i gael mynediad at adnoddau cyfeirio am Gymru.
Y Bywgraffiadur Cymreig
![](https://llyfrgelloedd.cymru/wp-content/uploads/2024/01/Screenshot-2024-01-24-140231.png)
Mae’r wefan hon yn cynnwys dros bum mil o fywgraffiadau cryno sy’n cyflwyno Cymry a wnaeth gyfraniad pwysig i fywyd cenedlaethol yng Nghymru neu’n ehangach.
Y Bywgraffiadur CymreigGeiriadur Prifysgol Cymru
![](https://llyfrgelloedd.cymru/wp-content/uploads/2024/01/Screenshot-2024-01-24-140619.png)
Geiriadur Prifysgol Cymru yw unig eiriadur Cymraeg hanesyddol safonol yr iaith Gymraeg. Mae’n cyflwyno geirfa’r iaith Gymraeg o’r testunau Hen Gymraeg cynharaf, drwy lenyddiaeth doreithiog y cyfnodau Canol a Modern, hyd at y cynnydd aruthrol yn yr eirfa sy’n deillio o’r defnydd ehangach o’r iaith ym mhob agwedd ar fywyd yr hanner canrif diwethaf.
Geiriadur Prifysgol CymruGeiriadur yr Academi
![](https://llyfrgelloedd.cymru/wp-content/uploads/2024/01/Screenshot-2024-01-24-140124.png)
Yn 2007 sicrhaodd Bwrdd yr Iaith Gymraeg drwydded gan Bruce Griffiths a Dafydd Glyn Jones, golygyddion Geiriadur yr Academi i gyhoeddi fersiwn digidol o’r Geiriadur. Y bwriad wrth gyhoeddi fersiwn digidol yw sicrhau bod yr adnodd hollbwysig hwn ar gael yn hawdd i bobl sy’n siarad, yn darllen ac yn ysgrifennu’r Gymraeg yn feunyddiol ac i ddangos cyfoeth mynegiant yr iaith i’r rheini sy’n ei dysgu.
Geiriadur yr AcademiHwb
![](https://llyfrgelloedd.cymru/wp-content/uploads/2024/01/Screenshot-2024-01-24-135948.png)
Mae Hwb yn cynnal casgliad cenedlaethol o adnoddau digidol i gefnogi addysgu a dysgu i ddysgwyr rhwng 3 a 19 oed yng Nghymru a elwir yn Storfa Ddigidol Genedlaethol.
HwbY Termiadur Addysg
![](https://llyfrgelloedd.cymru/wp-content/uploads/2024/01/Screenshot-2024-01-24-140505.png)
Hon yw’r wefan a noddir gan Lywodraeth Cymru ar gyfer darparu termau safonol yn y byd addysg.
Rhain yw’r termau i’w defnyddio mewn arholiadau ac asesiadau cyfrwng Cymraeg ac mewn adnoddau o bob math ar gyfer athrawon a disgyblion.
Y Termiadur AddysgWicipedia
![](https://llyfrgelloedd.cymru/wp-content/uploads/2024/01/Screenshot-2024-01-24-140357.png)
Dechreuwyd y Wicipedia Cymraeg ym mis Gorffennaf 2003. Erbyn dechrau mis Medi 2014 roedd gan y Wicipedia Cymraeg dros 60,000 o erthyglau ac roedd yn y 63ain mwyaf. Dyma’r unig adnodd rhyngrwyd o’i fath yn y Gymraeg, mae cyfartaledd o 2.7 miliwn o ymweliadau bob mis gan ei wneud yn y wefan Gymraeg mwyaf poblogaidd; felly mae ganddo le pwysig yn niwylliant yr iaith Gymraeg ar-lein.
Wicipedia